近來有好多C9、網友，財經演員都話股市有泡沫，小心股災，我聽左之後成個人定晒。因為我眼見同我記憶中比較，仲有一段距離。談到97年，我仲係一個中四學生，少不更事。記得有個星期日一家人到樓下屋苑商場飲茶，十年前假期去飲茶，一定要等位同搭枱嘅。話說果時市旺，我阿爸和同枱兩公婆(同屋苑、全職抄樓、收租)講開我們間居屋售價，我地話係A座500尺。佢地開價三球二，問我地放唔放，賣左比佢地，佢地租番比我一家住，萬一蚊個月。
我老豆話考慮下先，佢地比左幾個電話我地，驚死搵唔到佢地。我老豆初初聽到心郁郁想賣嫁，三球喎! 但係我同佢講，賣左我地一家無瓦傘頭，要寄人籬下嫁。比我講左一講，結果我老豆都係無賣到，我對於黎件事耿耿於懷。老豆，我欠你兩球，會幫你搵番黎嫁! 家下d酒樓接下一間又一間，至於果兩公婆，之後都無係酒樓見過佢地...
2 comments:
要計番當年９７年兩球的４厘年利率播，均真D好。
9年４厘複利率係285萬阿 Mokit兄
食字皇
mokit 提到...
咁又唔得喎，如果真係賣左，要租番黎住，9年x12x $7000= 柒拾幾萬，所以都係差唔多啦。搵兩球都好大壓力啦，唔好要挑引我啦 T_T
Post a Comment