出第二篇嘅時間真係剛剛好，而家好多C9,之前睇住個市乾升，忍唔住手，要追番貨喎。萬七點唔買，升到上萬九點，話無晒阻力，回番落幾百點話平，真係吹漲。談到2000年，科網潮，我讀緊中六。記得果時HK.com同tom.com上市，身邊好多同學剛好年滿18歲，當然要用黎抽IPO啦。如果係網頁登記用戶，好似可以易抽中d。Tom仔由一蚊升到上八蚊，HK仔都升左兩倍，大家都諗原來一到18歲賺錢就咁易。
好彩嘅係，佢地都係學生，抽到嘅，賺幾千蚊就快放，唔會上market到攞貨。有d用白表抽，走唔切嘅，將張股票做牆紙，貼幾年，蝕極有個譜，唔會好似好多人咁比隻八號仔玩死。而我? 仙都唔仙下，求老豆買左人生中第一部電腦，申請埋56K上網玩唉屍蕉，已經好開心。果時只係幫阿媽填表抽左三手地鐵，而我自己第一次買嘅股票係科網爆煲之後既#2388。d人問我，做咩仲敢買股票，我話我都未買過，銀行股點解唔敢買呀? 所以當而家火紅火綠嘅時候，都係小心d好。
9 comments:
有消息 (唔知堅定流) 指中共會於擦鞋 Don 連任之後, 掟4, 5千億落香港攪一系列大型基建及炒高香港嘅股市 (當然唔係為佢造勢).
若真係嘅話, 我諗會回一回 (唔知幾多. 回落萬六左右啩.), 再上.
如果堅, 到時又癲過.
唔出奇，不過個消息邊到黎? 講真，香港人有錢，話之你邊個做特首。曾好過董，係因為曾唔搞咁多野，股市又升左三年。你有錢，你放假去遊行定去玩?
萬六應該去唔番，萬八到啦。
"不過個消息邊到黎?"
聽某位喺行內炒嘢嘅人嗡. 所以唔知流 or 堅.
睇擦鞋 Don 今次份功課咁 "行" 咁留力, 好似你咁講, 唔出奇.
mud 咁o岩呀……我第一次買股票都係2388 IPO，但係係我阿媽幫我申請。我都唔記得左當時我幾歲lu……
巔兄：
雖然唔知你個消息堅定流，不過爭個世衛總幹事都送百億美金俾非洲，掟4, 5千億落香港，可能都唔出奇，哈哈．
中共真係好得意嘅~
to 古思哲, 我果d仲係櫃桶，你呢 ?
to 荒人, QDII 已經係 $$ 掟過黎，要掟多幾千億真係唔敢想像...
to 梁: 中共唔係得意，而係太有米，想點都得。
幾個月前放左，買3988
@_@...
阿媽賺既錢，有三份一係個仔比既，你點會沽仔買阿媽?
Post a Comment