Wednesday, December 26, 2007

過去一年的體驗

上次停 blog, 正是上年的聖誕節前,近一年可算是一生中重要的一年。反正聖誕節對我這個沒女友,沒假期之分的人並不是很重要,留在家中寫晒我沒時間寫的事。

1. 停blog係因為上年我由一個打工仔,開始成立自己的公司。壓力、辛苦、生病令我不能再寫。現在慢慢上軌道,才可放鬆少少。

2. 有一天有一個朋友問我:「你為什麼那麼想搵錢?搵那麼多錢做什麼?」我想了想,答不出來,我說:「我都不知道。」直到近來我才想通了,我係想做一把傘,為家人檔風檔雨,令他們不會因為沒錢而得不到可做的事,例如留學讀書,睇醫生咁。你話我唔愛揸靚車、買靚野,食好野就係呃人o既。不過對比他們,我要什麼都不重要。

3. 人們說,當你要得到一些時,你可能要失去一些,我從前係想唔明的,為什麼不可以是 win-win。但現在體驗了,近一年錢是搵到些,生意經驗是得到了; 得來是家人見少了,病痛多了。我想解決方法只有兩個,一是不用搵食,二是上天給我一天48小時,比你選,你會點選?

9 comments:

茂斯 said...

想做一把傘,為家人檔風檔雨
這話說到心坎裡去了....我此刻仍慚愧啊...

mokit said...

大家既家庭背境不同姐,你睇我好,我睇你好,大家都向自己目標前進,無話要點樣比較。

KNK said...

老板, 可唔可以請我...

mokit said...

你唔好玩啦,你d 股票買部全新S class 都得啦,你先係老細。

KNK said...

mokit 兄, 唔好講笑..

我都不知幾羨慕你可以做老細... 可惜自已無咁既能力... 所以只可以繼續打工...

加油!!! and 預祝新年快樂

Sandee said...

I'm sure you can balance b/t work and family. Happy Holidays! =)

mokit said...

sandee: Thanks, and happy new year.

梁巔巔 said...

Mokit, Happy New Year! 祝再搵多 oD!

P.S. "近一年錢是搵到些,生意經驗是得到了; 得來是家人見少了,病痛多了。我想解決方法只有兩個,一是不用搵食,二是上天給我一天48小時,比你選,你會點選?"

梗係揀不用搵食 la! 証明已搵夠 ma! ^~

小魔女 said...

第一次留言, 不要delete 呀! 我不懂得如何把網面弄得像你的般personal...我不想要pre-set的呀, 很悶...