中國政府想推行教育改革多年，要協助窮學生讀書，但係點解搞來搞去都仲有咁多文盲，仲有咁多人無書讀呢? 點解唔好似香港咁，實行全國九年免費教育? 唔係呀化? 中國人口咁多，九年免費教育，邊到搵咁多錢?錯! 中國現時有1.1億學生，假如每年要津貼每一名學生$1000，一年要用1100億。千幾億喎?? 中國石油(857)截止06年6月半年賺800億，當佢全年賺1600億。由佢interim見到，中石油只發行約12%股份，其餘88%都係阿爺到，1600x88%，阿爺淨袋1400億。一年用千零億去搞教育，實在係濕濕碎，唔會醉，一間公司夠啅。但係撥1000億出去，有幾多落去d小朋友到呢? 省政府貪d、市委攞d、村長要d，校長都可能分d...由此可見，中國並唔係無錢，而係佢都明白貪污仲係嚴重，唔可以話搞就搞。故中國政府亦唯有鼓勵外間嘅NGO幫手。
所以，我希望在過去幾年有份係中資三鬼(857, 941, 2628)，賺左唔少錢嘅人，想想你d錢係邊到賺番黎? 想想祖國嘅小朋友，有機會不防回饋番社會。
8 comments:
i. 講到教育, 唔慳得.
ii. 好似以前嗰個老董咁, 一方面話教育好重要但另一方面又縮皮, 肉酸.
iii. "賺左唔少錢嘅人，想想你d錢係邊到賺番黎? 想想祖國嘅小朋友，有機會不防回饋番社會。"
難.
就算有, oD $ 中間唔知會畀 oD人溝稀幾多.
但當然, 即使如此, 都好過冇人捐~
如果賺到錢我都有捐返D出去...
不過都係驚捐左d錢, 究竟有幾多會用在小朋友身上...
梁巔巔: 唔難既，以香港只有果 700 萬人計，香港做善事既金額係世界數一數二。
枯枝: 所以我強調 via (NGO) non-government organization. 如 worldvision 咁，不要把錢投進大陸的捐款箱埋。
但係 NGO 究竟用幾多 % 捐贈者既錢係有需要既人身上? 係米好清晰有條數睇到架?
佢地會公布扣除行政開支後，有幾多成用係小朋友到，唔同機構有唔同數字。我暫知 worldvision 係最高，有90%。我諗係同機構大小有關，公司大d，成本降低d，gross profit 自然高d啦，道理同選股票一樣，買股買龍頭。但係佢地d數字有無專業會計師睇過就唔知啦。
其實大陸很多地方都在推行免費教育，可學費是免了，但雜費更多．早前電視台就揭露了北京小學強迫學生向校方買手提電腦，價錢還貴過香港．
這種濫收費在國內實在很普便，法制不振，有法不依．
說到底，還是那句老套話，制度性問題啊。
強迫人買部手提電腦，都係為左攞水，所以都係唔知點搞好。
Post a Comment