Form one仔

近來早上搭車嘅時侯，見到好多好細粒嘅男仔，著住套中學校服番學。如果唔睇佢地個校章，我仲以為佢地係三、四年級d學生添。

不禁諗番起我讀中一嘅時候，我都係名付其實嘅form one仔，事關我果時真係好矮，得1.43m，排隊排第二(已行運了~)，d高年級唔叫你form one仔，咪叫你矮仔攞。

為左擺脫我中一時比人改左做姓死，我決定學打籃球，希望自己高d，唔使岳高頭望人。感謝黃大仙保佑，到中六時，我排隊排第三(尾數上)，1.76m。所以話今日唔知聽日事，切勿睇死人呀。