你點知?

前幾日知道有個舊同學係外國番左o黎香港。中四、中五o既佢，係傻仔一名，同我一齊去機鋪、波樓、打牌。佢會考考唔倒，好失望，去左第二間中學repeat，輾轉間去左美國番學，今次番返來只係探下親人、朋友。佢話佢好enjoy 係美國o既生活，上午做 part-time，下午去U讀 account。有條女，又渣車，入籍埋美國，應該唔會再返o黎香港。

我都登佢高興，心諗如果佢係香港，會唔會有咁o既生活呢? 我想講o既係，有好多野你係唔知嫁。我地o黎 d港燦考左CE、過左AL，大學畢業咁又點? o黎個世界咁大，有咁多野，人生中有咁多你遇到o既人，你控制得幾多? 你知將來會點咩?

近來身邊有幾位朋友，因唔同o既事，令佢地唔開心，係到希望佢地明白，世事無常，who knows? 你今日遇到o既野，未必唔係好事。多關心你現在擁有o既野啦 -- 你o既家人，你o既老友記。